Volume I Version I   ☼   Today is 

New York Reflections By Fr. Jun Villanueva

SOPHISTICATED NA SI ANASTACIA

Naalala n’yo pa si Anastacia

Hindi pala Anastacia,

Kundi – Aneys-tey-sha

(Sha as in bours-swa!)

Sophisticated na sha

Pati ang rosario nya

Mala-flashlight na parang starwars

Na berdeng ilaw na kukurap-kurap

Kaya ayaw niya sa liwanag magrosaryo

Kasi walang epekto ang rosaryo

Kailangan sa medyo madilim,

At bigla niyang bibitawan ang rosaryo

Sabay ang ilaw nito na parang bituin

Sa madilim na gabi,

At palagay ko, sa madilim na kaisipan, din.

Tinginan ang mga kapwa deboto ng Birhen

Sa babaeng may rosaryong ala starwars.

Nakipag-away pa siya

Nang maunahan siya sa paboritong puwesto

Doon ko nalamang kailangan niya ang kaunting dilim

Para kuminang ang rosaryo niya

Sayang daw kasi kung hindi makita ang ilaw nito.

Siya si Aneys-tey-sha

Sophisticated talaga!

21 Hunyo 2006

More Reflections