Volume I Version I   ☼   Today is 

ANNUAL RETREAT WITH FR. GENIE DIWA

Pebrero 12 – 16,2007

St. Michael Retreat House

Antipolo, Rizal

Pebrero, katulad dati, buwan ng mga puso. At nakapaloob mismo ang Araw ng mga puso, Pebrero 14, sa aming Annual Retreat bilang mga pari! Para bagang pahiwatig lagi na isaPUSO namin ang aming pagiging pari! Dapat lang naman…

          Liturhiya ang paksa. Liturhiya ang mga pagninilay. Liturhiya katulad ng daloy ng isang dugo sa buhay ng Simbahan. Noong una, akala namin ay magmumukhang seminar ang retreat. Nguni’t sa pagdaloy ng mga sessions ay tumatamang parang “tabak” ang mga binibitiwang salita ni Fr. Genie upang himay-himayin ang bawat himaymay ng aming ginagawa o ginagampanan sa mga pagdiriwang at kahulugan ng panalangin at pagsamba sa buhay-pari. Marami ring nakakabit na pagpapalalim sa buhay pastoral o paglilingkod na isinasaad ang Liturhiya noong una pa man at isinasakasalukuyan ang mga natatanging hamon nito sa Misyon ng Simbahan. Nabigyang diin ang mga Spiritual na kahulugan na nakapaloob sa mga ritwal ng pagdiriwang.

          Sa madaling sabi e…sulit talaga! Natauhan kami sa mga kahulugan ng Triduum sa Misteryo Paskuwa! Nabigyan ng kulay ang magagandang pagdiriwang sa mga pista. Naging bagong pananaw at harinawa ay pagsasabuhay ang mga panalangin ng Kristiyano o Liturgy of the Hours. Kung baga sa isang makina ay nalangisan ang aming kasukasuan upang maging malubyano at makinis ang aming pag-andar muli bilang mga pari!

Maraming Salamat FR. Genie!

Ang kasunod po ay ang mga larawan na nahagilap ng digi-camera ng Chancery. Kung malabo at kulang... E maliit ho ang mata ng nagshots sa camera. Kahit high tek e walang magagawa sa liit ng lens ng mata ko!

Click on the Image to enlarge.

At ito ang mga dakilang Sulyap ng Annual Retreat 2007, St. Michael Retreat House, Antipolo

Sa mga hindi po nakasama sa mga litrato, pagpasensyahan na muna. Hirap ding may kamera palagi sa kamay. Di makaconcentrate sa mga nagaganap. At alam ko na may mga nagdala ng kamera, mas magaganda pa. Baka doon naman makabawi ang iba!He, he, he!

Maraming Salamat at Hanggang sa muling KLIK!