![]() |
||
Home BishopStude SundayMassMP3 FromthePriests Directory Offices Schools NewsArchives Gallery BalangaRocks |
||
PARAISO
Nais kong magtayo ng bahay kubo Sa gitna ng Times Square at Broadway Upang may paalala - buhay sa mundo May hantungan, may katapusan.
Nais kong magtanim ng palay Sa ilalim ng kanilang tulay Sa Hudson, Sa Lincoln, o Brooklyn kaya, Upang muling umani ng kabutihang tunay.
Nais kong magpalipad ng saranggola Sa Union Square o Madison kaya Sabay sigaw ng Darna Maging totoo kayo sa salita!
Nais kong maglaro ng turumpo at sipa Sa Yankee Stadium at Central Park nila Maging bata, maging laging masaya Sa araw-araw na biyaya.
Nais kong magrosaryo nang paluhod Mula Ports Authority at JFK Upang maranasan, hirap na dinadaanan Mga kababayang nasa bayang sinilangan.
Nais kong - kung anu-ano pa Makita lang ang ligaya Paraiso sa bawa't puso Minsan sa dollar ay naglalaho. |
||||