 |
||
 |
|
|
Home BishopStude SundayMassMP3 FromthePriests Directory Offices Schools NewsArchives Gallery BalangaRocks |
||
|
|
|
 |
||
|
|
|
|
||||
HINDI KO MAKITA ANG MGA BITUIN... ika-18 ng Hulyo
Siguro natakpan ng mga gusali Pero hinanap ko sa gitna ng Union Square Talagang wala, parang isang papel Na kinulayan ng pinturang asul Ng kamay ng batikang pintor At isinabit sa itaas ng aking mata.
Siguro nagtampo nang sunud-sunod na mamatay Mga kabataang gising sa gabi Mga nabundol ng mabibilis na taxi O nakursunadahan o napag-initan Nang magkatitigan at magkainisan Mga nag-iinuman sa lansangan Habang may baril sa kanilang baywang.
Nag-iba ang kulay ng gabi, ng maraming gabi Akala ko ang madilim ay itim Pero minsan ang madilim ay pula Lalo na't may dugo ang mga kalsada.
Talagang hindi kita makita kahi't minsan O baka ikaw ay nangibang-bayan O kaya ay dumalaw sa mahal kong bayan na kung tawagin ay Pilipinas Kahi't na may kaguluhan Ang gabi ay itim, ang langit ay asul Ang gabi ay may bituin Ang bawa't ngiti ay masasalamin Sa mga kababayang kahi't nahihirapan.
O bituin, kung nasaan ka man Dalhan mo ako ng liwanag o anino man lang Sa iyong kandungan, ang gabi ay kulayan Ang puso ay awitan, kaluluwa'y iduyan. |
||||
|
||||
|
|
|
|
|
|
|
|
 |
||
|
|
|