MULI...

 

Sa muling pagsikat ng araw

Sana makita ang Iyong mukha

Kahi't sa pangarap ng batang kalsada

Sa uyayi ng isang ina

At awit ng isang dukha.

 

Sana may muling indayog ang duyan

Na minsa'y nagpatulog sa bunso

Ang haplos ng iniwang alaala

At sayaw ng alon sa dagat

Sana naroon Ka, isang umaga.

 

Sa Iyong piling muling yakapin

Sa Iyong dibdib muling damhin

Bigyang ilaw ang dilim ng gabi

Bigyang liwanag ang pusong naghahanap.

 

At muli, mawawala ang araw

Sa kanluran, sa malayong nandoon

Ikaw pa kaya ang muling gigising

Sa natatakot na pagkahimbing

O Hesus, muli akong akayin.

 

 

10 Nobyembre 2007

Fr. Jun